Республикамыздың барлық аймақларында Қарақалпақстан Республикасы автомобиль жоллары бас басқармасы системасындағы мәкеме-кәрханалар тәрепинен улыўма пайдаланыўдағы автомобиль жоллары бойларына музғалаққа қарсы қум-дуз араласпасы себилмекте. Бул ҳаққында «Қарақалпақ Автожол» мәлимлеме хызмети хабар берди.
Қарлы-қыраўлы күнлерде пуқаралар ҳәм автомобиль басқарыўшыларының қәўипсизлигин тәмийнлеў, автомобиль жолларында музғалаққа (гололёд) қарсы барлық илажларды көриў бойынша орынларда таярлық жумыслары әллеқашан баслап жиберилген еди.
Таярлық жумыслары шеңберинде қум-дуз араласпасын себиў ушын қосымша қорларды жаратыў бойынша зәрүр болған барлық жумыслар әмелге асырылып атыр. Бул жумыслар техникалық қадағалаў, ал орынланған жумыслар болса қабыл етиў бөлими қәнигелери тәрепинен көрип шығылмақта.
Сайтымыздың телеграмдағы каналына ағза болың: https://t.me/karinformuz
