Улыўма жети маршрут бойынша өткерилген санақ маршрутлы автосанақ усылында әмелге асырылды. Сондай-ақ, тәбият бағында санақ ушын белгиленген үш таяныш ноқатында – Сарықамыс, Чинк ҳәм Қапланқырда ҳайўанларды санаў, ушырасқан ҳайўан излери санағы ҳәм автосанақ дәўиринде айырым жерлерде пияда жүриў арқалы ҳайўанлар санағы усылларынан пайдаланылды.
Үйрениўлер даўамында 458 жейран, 27 Үстирт қойы, 6 жабайы шошқа, 37 түркмен қуланы, 8 түлки, 3 қасқырдың бирлескен топары излери, сондай-ақ, қуслардан 2 шөл бүргити, 114 алмабас үйрек, 823 қасқалдақ, 10 ақ қуйрықлы суў бүргити анықланды.
Сайтымыздың телеграмдағы каналына ағза болың: https://t.me/karinformuz
