Telegram karinform

Сиясат

  • 20.01.2022 12:48
  • 584

Қоңырат районына жаңа ҳәким тайынланды

Қоңырат районына жаңа ҳәким тайынланды
Бүгин, 20-январь күни Халық депутатлары Қоңырат районлық Кеңесиниң гезексиз отыз сегизинши сессиясы болып өтти.

ҚР Жоқарғы Кеңеси баспасөз хызметиниң хабар бериўинше, сессияда шөлкемлестириў мәселеси қаралды.

Сессия күн тәртибине муўапық, Қоңырат районының ҳәкими лаўазымына Мадаминов Бекзод Баходировичти тайынлаў мәселеси көрип шығылды.

Қарақалпақстан Республикасы Конституциясы 81-статьясының 6-бәнтине муўапық, Қоңырат районының ҳәкими лаўазымына Мадаминов Бекзод Баходирович тайынланды.

Сессияға Қарақалпақстан Республикасы Жоқарғы Кеңесиниң Баслығы М.Камалов қатнасты.

Мағлыўмат ушын, Мадаминов Бекзод Баходирович мийнет жолы даўамында Ɵзбекстан Республикасы Қаржы министрлигиниң Қарақалпақстан Республикасы бойынша ғазнашылық басқармасында сектор баслығы, Беруний районы бойынша ғазнашылық бѳлими баслығы, Беруний районы ҳәкиминиң инвестициялар, инновациялар, меншиклестирилген кәрханаларға кѳмеклесиў ҳәм киши санаат зоналары ҳәм туризмди раўажландырыў мәселелери бойынша орынбасары сыяқлы бир қатар жуўапкерли лаўазымларда жумыс ислеген.

Ол бүгинги күнге шекем Мәмлекетлик активлерди басқарыў агентлигиниң Қарақалпақстан Республикасы басқармасы баслығы болып ислеп келди.

Еслетип өтемиз, усы күнге шекем Қоңырат районы ҳәкими лаўазымында Қ.Халмуратов ислеп келген еди.

Сайтымыздың телеграмдағы каналына ағза болың: https://t.me/karinformuz
Social

Усыныс етемиз

#KarinformWiki: Луи Жак Манде Дагер

#KarinformWiki: Луи Жак Манде Дагер

Уқсас жаңалықлар

«USAID» Арал теңизи аймағында шөллениўдиң унамсыз ақыбетлери менен гүресиў мақсетинде 1,6 миллион доллар ажыратты

«USAID» Арал теңизи аймағында шөллениўдиң унамсыз ақыбетлери менен гүресиў мақсетинде 1,6 миллион доллар ажыратты

    Усы жылдың 10-ноябрь күни АҚШ Халықаралық раўажланыў агентлиги (USAID) Арал теңизи аймағында шөллениўдиң унамсыз ақыбетлери

#KarinformWiki: қутлықлаў қағазлары ийелерине жеткерилмекте

#KarinformWiki: қутлықлаў қағазлары ийелерине жеткерилмекте

    2022-жылдың 1-ноябрь сәнесинен баслап Karinform.uz сайты жәмәәти тәрепинен қарақалпақ тилиниң интернетте раўажланыўына үлес қосыў ҳәм

#KarinformWiki – қарақалпақша википедияны раўажландырыўға өз үлесиңизди қосың (+видео)

#KarinformWiki – қарақалпақша википедияны раўажландырыўға өз үлесиңизди қосың (+видео)

    Интернетте қарақалпақ тилиндеги материаллардың санын көбейтиў сондай-ақ, қарақалпақ тилиндеги сапалы контентти жаратыў мақсетинде 1-декабрь –