Усы жылдың 4-7-февраль күнлери Өзбекстан аймағына Түркменстан аймақларынан оғада жыллы ҳаўа, соңынан Волгабойы аймақларынан ығал ҳәм салқын ҳаўа массасы кирип келиўи күтилмекте, - деп хабарландырыў жәриялады «Өзгидромет».
4-6-февральда Өзбекстан бойлап базы жерлерде күшли самал болыўы күтиледи. Айырым жерлерде шаң-тозан бақланады. Атап айтқанда самалдың тезлиги:
4-февральда Қарақалпақстан Республикасында, Хорезм, Наўайы, Ташкент ўәлаятларында 18-23 м/с қа шекем;
5-6-февральда Қарақалпақстан Республикасында, Хорезм, Бухара, Наўайы, Ташкент, Самарқанд, Жиззақ, Сырдәрья, Қашқадәрья, Сурхандәрья ўәлаятларында 18-23 м/с қа шекем, Наўайы, Ташкент, Жиззақ ўәлаятларының айырым жерлеринде 25-28 м/с қа шекем күшейиўи мүмкин.
5-февраль күни Қарақалпақстан Республикасында, Хорезм ўәлаятында, ал 6-февраль күни Өзбекстанның барлық аймақларында жаўын жаўады, Қарақалпақстанда қарға айланады. 7-февральда базы жерлерде жаўын-шашын (жаўын, қар) болады.
Таўлы аймақларда 6-7-февральда күшли жаўын-шашын (жаўын, қар) болыўы мүмкин.
Ислам Матеков,
Karinform.uz.
Сайтымыздың телеграмдағы каналына ағза болың: https://t.me/karinformuz
