3-декабрь сәнеси ушын бундай төмен дәрежедеги ҳаўаның температурасы соңғы 77 жылда рекорд дәрежеге жетти.
Нөкис қаласында бүгин, 3-декабрь күни ҳаўаның температурасы -16,2 дәрежеге шекем төменледи. Бул ҳаққында Өзгидромет қәнигеси Еркин Абдулаҳатов хабар берди. Сондай-ақ, ол Нөкис қаласындағы ҳаўаның температурасы бойынша мағлыўматлар инфографикасын усынды.
Нөкис тарийхында 3-декабрь сәнеси ушын ең суўық күн 1944-жылда дизимге алынған. Сол ўақытта ҳаўаның температурасы -22 дәрежеге шекем төменлеген еди.
Мағлыўмат ушын, Өзгидромет 2-декабрь күни ҳаўаның температурасы 17 дәрежеге шекем төменлеўи ҳаққында хабар берген еди.
Karinform.uz
