Қазақстанлы сенатор порнографиялық сайтларға тыйым салыўда Өзбекистаннан үлги алыў кереклигин айтты

Қазақстан Парламенти Сенатының ағзасы Мурат Бақтиярулы KazNetтиң қадағалаўға алатуғын тәреплери көп екенлигин, әсиресе, тармақтағы порнографиялық сайтларға тыйым салынғанына қарамастан, еле жумыс алып барып атырғаны жөнинде айтып өтти, деп хабар бермекте Baq басылымы.
Сенатор порнографиялық сайтларды пүткиллей қадаған етиўде Өзбекистанның тәжирийбесин пайдаланыўды усыныс еткен.
«Интернетте елеге шекем шешилмеген мәселелер бар. Мәселен, порнографиялық сайтлар оғада көп. Олар ашық формада жумыс ислемекте. Қараўға адам уялады. Бирақ, оларға оқыўшылар, студентлер еркин кирип атыр. Бундай сайтларға Өзбекистандағы сыяқлы пүткиллей тыйым салыў керек. Өзбекистанда бундай ҳәрекет ушын жынайы жуўапкершилик белгиленген. Бизде де усы тәжирийбени қолланыўға дыққат аўдарыў керек», - деп усыныс билдирген сенатор ҒХҚ ҳаққындағы нызамды талқылаў процессинде.

Ислам Матеков.