Нөкис қаласындағы 7 аўыр аймақтың социаллық-экономикалық жағдайын жақсылаў, усы аймақларды абаданластырыў жумысларын шөлкемлестириў бойынша Қарақалпақстан Республикасы Министрлер Кеңесиниң мәжилиси болып өтти. Бул ҳаққында Министрлер Кеңесиниң мәлимлеме хызмети хабар берди.
Мәжилисти Қарақалпақстан Республикасы Министрлер Кеңесиниң Баслығы Қ.Сариев алып барды. Күн тәртибиндеги мәселе, яғный Нөкис қаласы аймағындағы «Қызылқум», «Теле орай», «Қоскөл», «Боз аўыл», «Жеке терек», «Қум аўыл» ҳәм «Қутлы мәкан» мәкан пуқаралар жыйынларының социаллық-экономикалық жағдайын жақсылаў, пуқараларға қолайлы шараятлар жаратыў ҳәм жумыс орынларын шөлкемлестириў бойынша мәселелер көрип шығылып, мәжилис протоколы қабыл етилди.
Жоқарыда атап өтилген 7 аўыр аймақтағы жумысларды системалы шөлкемлестириў бойынша Қарақалпақстан Республикасы Министрлер Кеңеси Баслығының орынбасарлары жуўапкер етип бириктирилди ҳәм аймақларды үйрениў жумысары баслап жиберилди.
Сайтымыздың телеграмдағы каналына ағза болың: https://t.me/karinformuz
