Өзбекстан Республикасы Министрлер Кабинетиниң 2022-жыл 4-марттағы «Тоғай қоры жерлеринде қорғалатуғын тәбийғый аймақларды шөлкемлестириў менен байланыслы қосымша илажлар ҳаққында»ғы 93-санлы қарары, соның менен бирге, «Қорғалатуғын тәбийғый аймақлар ҳаққында»ғы нызамға муўапық, Қарақалпақстан Республикасы Мойнақ районының тоғай хожалығы жерлеринде «Аралқум» миллий тәбият бағы шөлкемлестириледи.
Миллий тәбият бағының шөлкемлестириўшиси Тоғай хожалығы мәмлекетлик комитети болып есапланады.
Мәлим болыўынша, миллий тәбият бағының жумыслары мәмлекетлик бюджет қаржылары, бюджеттен тыс қаржылар ҳәм нызам ҳүжжетлери менен қадаған етилмеген басқа дәреклер есабынан қаржыландырылады.
Ҳүжжет тийкарында «Аралқум» миллий тәбият бағының улыўма жер майданы 1 миллион гектарды қурап, соннан 700 мың гектары қорықхана, 200 мың гектары рекреациялық ҳәм 100 мың гектары хожалық мақсетинде пайдаланылатуғын зоналар ушын ажыратылған.
Ҳүжжет 2022-жыл 5-марттан баслап күшке кирген.
Ислам Матеков,
Karinform.uz.
Сайтымыздың телеграмдағы каналына ағза болың: https://t.me/karinformuz
