Telegram karinform

Спорт

  • 22.04.2022 19:00
  • 654

Мойнақта өткерилетуғын миллий ат ойынлары ашық турнириниң бағдарламасы жәрияланды

Алдын хабар бергенимиздей, усы жылдың 23-апрель күни Мойнақ районында Өзбекстан Республикасы Бас прокуратурасы, Өзбекстан жылқышылық ҳәм ат спорты федерациясы Қарақалпақстан бөлими, сондай-ақ, Мойнақ районлық ҳәкимлиги шөлкемлестириўинде миллий ат ойынлары ашық турнири болып өтеди.

 

Район ҳәкимлиги мәлимлеме хызмети ашық турнир Мойнақ қаласына кирер жердеги «Мойнақ» стелласы әтирапында болып өтетуғынлығын мәлим етип, турнир бағдарламасын жәриялады.

 

Ашық турнир саат 09:00 де концерт бағдарламасы менен басланады. 10:00 ден баслап «Қыз қуўыў» жарысы, атта жүрип жерден теңге алыў, ат үстинде палўанлар гүреси, 3 айлаўға жорға, 5, 7 ҳәм 10 айлаўға ат шабысы, командалық ҳәм аламан көкпар ойынлары сыяқлы жарыслар өткериледи. Буннан соң турнир жеңимпазларын сыйлықлаў ҳәм жабылыў мәресими болып өтеди.

 

Район ҳәкимлиги мәлимлеме хызметиниң қосымша етиўинше, турнир өткерилетуғын орында тамашагөйлер ушын аўқатланыў ҳәм саўда орынлары, арзанластырылған баҳада азық-аўқат өнимлери ярмаркасы да шөлкемлестириледи.

 

Ислам Матеков,

Karinform.uz.

Social

Усыныс етемиз

Уқсас жаңалықлар

АҚШ визасын алмақшы болғанлардың социаллық тармақлары тексериледи

АҚШ визасын алмақшы болғанлардың социаллық тармақлары тексериледи

        АҚШтың студентлик ҳәм басқа түрдеги визаларын алажақ болған адамлардың социаллық тармақлары тексериледи. Мәмлекетлик хаткер Марко

Өзлестириў көрсеткиши жоқары болған социаллық белсенди студентлерге тәлим гранты бериледи

Өзлестириў көрсеткиши жоқары болған социаллық белсенди студентлерге тәлим гранты бериледи

    ️Енди жоқары курслардағы өзлестириўи жақсы ҳәм социаллық белсенди студентлер толық ямаса белгили бир бөлеги муғдарында

Қәдириятларың мәңги болсын, Наўрыз! (+фоторепортаж)

Қәдириятларың мәңги болсын, Наўрыз! (+фоторепортаж)

    Усы жылдың 20-март күни халқымыз ушын ең әзиз байрамлардан бири – Наўрыз үлкен салтанат пенен