Қарақалпақстан Республикасы Мәденият министрлигиниң «Karinform.uz»ға берген мағлыўматына қарағанда, усы жыл даўамында ўәлаятларда Қарақалпақстан Республикасының «Мәденият күнлери» илажларын өткериў жобаластырылған.
Онда қарақалпақстанлы белгили жазыўшы ҳәм шайырлар менен ушырасыўлар, көркем өнер тараўы ўәкиллериниң қатнасыўында концерт бағдарламалары өткерилиўи белгиленген.
Жобаға муўапық, Қарақалпақстан Республикасының «Мәденият күнлери» апрель айында Бухара ўәлаятында, май айында Ташкент қаласында, июнь айында Әндижан, Наманган, Ферғана ўәлаятларында, август айында Жиззақ ҳәм Сырдәрья ўәлаятларында, сентябрь айында Қашқадәрья, октябрь айында Самарқанд ҳәм Ташкент ўәлаятларында өткериў жобаластырылған.
Илажлар Өзбекстан Республикасы Президентиниң 2022-жыл 2-февраль күнги «Мәденият ҳәм көркем өнер тараўын буннан былай да раўажландырыўға байланыслы қосымша илажлар ҳаққында»ғы ПҚ-112-санлы қарары ҳәм усы қарар менен тастыйықланған «2022-жылда аймақлардағы мәденият мәкемелери тәрепинен өз ара принципи тийкарында басқа аймақларға гастроль сапарларын, аймақтың «Мәденият күнлери» илажларын шөлкемлестириў жоба-кестеси»не муўапық әмелге асырылады.
Сахибжамал Есемуратова,
Karinform.uz.
