Өзбекстан Республикасы Президентиниң 2022-жыл 29-апрель күнги «Екинши жер жүзилик урыс қатнасыўшыларын хошаметлеў ҳаққында»ғы пәрманына муўапық, Екинши жәҳән урысы катнасыўшылары ҳәм майыплардың ҳәр бирине 15 000 000 (он бес миллион) сум муғдарында бир мәртелик пул сыйлығының берилиўи белгиленди.
Мәмлекетимизде 9-май – Еслеў ҳәм қәдирлеў күнин ҳәр жылы кең түрде байрамлаў, соның менен бирге, Екинши жәҳән урысында қайтыс болған бабаларымыз естелигине терең ҳүрмет көрсетип, фашизмге қарсы саўашларда, мийнет фронтында пидайылық көрсеткен мақтанышларымызға өз алдына итибар ҳәм ҳүрмет көрсетиў, жасларды руўхый-этикалық тәрептен тәрбиялаўға үлес қосып атырған мақтанышларымызды қәдирлеў ҳәм урыс қатнасыўшылары ҳәм майыпларын материаллық хошаметлеў үрдиске айланған.
Пәрманда келтирилиўинше, усы пәрманды орынлаў менен байланыслы болған қәрежетлер Өзбекстан Республикасының республикалық бюджет қаржылары есабынан әмелге асырылады. Қарақалпақстан Республикасы Министрлер Кеңеси, ўәлаятлар ҳәм Ташкент қаласы ҳәкимликлери Қорғаныў министрлиги, Ишки ислер министрлиги, Мәмлекет қәўипсизлик хызмети, Финанс министрлиги, Мәденият министрлиги, Мәҳәлле ҳәм қарыяларды қоллап-қуўатлаў министрлиги, Республика Руўхыйлық ҳәм ағартыўшылық орайы менен биргеликте Екинши жәҳән урысы қатнасыўшылары ҳәм майыпларына бул пул сыйлығының салтанатлы ҳәм байрамға сай тапсырылыўы тәмийнлениўи кереклиги белгилеп берилген. Пәрманның орынланыўын бақлаў Өзбекстан Республикасының Бас министри А.Н.Арипов мойнына жүклетилген
Меҳрийбану Дәўлетмуратова
