фото: UzA
2022-жылдың 15-16-май күнлери Ташкент қаласында Республикалық Руўхыйлық ҳәм ағартыўшылық орайында болып өткен «Дөретиўшилик-мәдений мәселелер бойынша ең белсенди үгит-нәсиятшы» таңлаўының Өзбекстан Республикасы басқышы болып өтти.
Таңлаў Өзбекстан Республикасы Халық билимлендириў министрлиги, Өзбекстан Жазыўшылар аўқамы, Өзбекстан Журналистлери дөретиўшилик аўқамы менен биргеликте шөлкемлестирилген. Республикада дәслепки мәрте өткерилип атырған таңлаўға қалалық, ўәлаятлар ҳәм районлық басқышларында жәми 7 мыңнан аслам үгит-нәсиятшы қатнасты. Соңғы басқышта 28 үгит-нәсиятшы өз-ара беллесип, онда Нөкис районы 19-санлы улыўма орта билим бериў мектебиниң үгит-нәсиятшысы Ибрайымова Гөззал сыйлы екинши орынды ийеледи.
фото: Aqmańǵıt News
Таңлаў жеңимпазлары қымбатбаҳалы саўғалар – китаплар топламы, диплом, пул сыйлықлар менен хошаметленди. Буған қосымша, таңлаўдың жеңимпазлары ушын Жаңа Өзбекстан, Жеңис бағы, Ташкент-Сити, Темурийлер тарийхы музейи сыяқлы бир қатар орынларға саяхат шөлкемлестириледи.
Сахибжамал Есемуратова
