Telegram karinform

Жәмийет

  • 08.06.2022 10:00
  • 290

Ташкенттен Нөкиске ҳәрекетленип киятырған жолаўшы автобусы өртенип кетти

 

Бүгин, 8-июнь күни саат 03:14 те Төрткүл районы «Ақ қамыс» аўыл пуқаралар жыйыны аймағынан өткен А-380 автомагистраль жолының 555-километринде Ташкент қаласынан Нөкис қаласына салонында 55 жолаўшы ҳәм 2 транспорт басқарыўшысы менен ҳәрекетленип баратырған «YUTONG» маркалы жолаўшы тасыўшы автобуста өрт келип шыққаны ҳаққында районлық Айрықша жағдайлар бөлимине хабар келип түскен.

 

Хабарға тийкарланып, еки өрт-қутқарыў экипажы саат 03:40 та ўақыя орнына жетип барып, өрт саат 04:15 те өширилген.

 

Өрт ақыбетинде автобус толық өртенип кетип, зыянланған.

 

Өрттиң келип шығыўына электр сымларының қысқа тутасыўы себеп болғанлығы болжанбақта.

 

Өзбекстан Айрықша жағдайлар министрлигиниң мәлим етиўинше, ўақыя ақыбетинде ҳеш ким дене жарақатын алмаған, қайтыс болғанлар жоқ.

 

Хабарда жазылыўынша, өрт жүз жерген орынға ең жақын болған өрт өшириў бөлими шама менен 45 километр ара қашықлықта болған.

 

Ислам Матеков,

Karinform.uz.

Social

Усыныс етемиз

Президент «тонировка» мәселесине тоқталды

Президент «тонировка» мәселесине тоқталды

Уқсас жаңалықлар

«Автомобиль тарийхы» хызмети жолға қойылды

«Автомобиль тарийхы» хызмети жолға қойылды

    Ҳүкиметлик қарарға муўапық, 2022-жыл 1-майдан баслап:   «Автомобиль тарийхы» мағлыўматларын шәртнама тийкарында Мәмлекетлик хызметлер орайлары, Бирден-бир

Қазақстанда ЖТҲға ушыраған автобус Нөкистен жолға шықпағаны мәлим етилди. Жәбирленгенлер Өзбекстанға алып келинди

Қазақстанда ЖТҲға ушыраған автобус Нөкистен жолға шықпағаны мәлим етилди. Жәбирленгенлер Өзбекстанға алып келинди

    Усы жылдың 12-май күни Қазақстан Республикасының Жамбыл ўәлаятында жолаўшы автобусы қатнасыўында жол-транспорт ҳәдийсеси жүз бергенлиги,

«Нөкис-Алматы» жөнелиси бойлап ҳәрекетленип баратырған автобус Қазақстанда ЖТҲға ушырады. Қайтыс болғанлар бар

«Нөкис-Алматы» жөнелиси бойлап ҳәрекетленип баратырған автобус Қазақстанда ЖТҲға ушырады. Қайтыс болғанлар бар

    Усы жылдың 12-май күни Қазақстан Республикасының Жамбыл ўәлаятында жолаўшы автобусы қатнасыўында жол-транспорт ҳәдийсеси жүз берди.