ЖТҲ айдаўшы басқарыўды жоғалтыўы нәтийжесинде жүз берген. Ҳәдийсе ақыбетинде ҳеш ким жарақат алмаған.
Айрықша жағдайлар министрлиги Нөкис қаласында жүк машинасы менен жүз берген жол-транспорт ҳәдийсеси ҳаққында мағлыўмат берди. Атап өтилиўинше, 14-март күни саат 03:05 те Қарақалпақстан Республикасының Нөкис қаласы М.Нурмуҳаммедов көшесинде МАН маркалы пропан газ тасыўшы жүк автомобили айдаўшысы басқарыўды жоғалтыўы нәтийжесинде жол-транспорт ҳәдийсеси жүз бергени ҳаққында АЖБға хабар келип түскен.
Хабарға бола, Айрықша жағдайлар министрлиги қутқарыўшылары айтылған мәнзилге жетип барып, арнаўлы техника ҳәм қутқарыў қураллары жәрдеминде оператив түрде көрилген илажлар себепли жүз бериўи мүмкин болған айрықша жағдайдың алды алынған.
«Ҳәдийсе ақыбетинде қайтыс болғанлар ҳәм дене жарақатын алғанлар жоқ», – делинеди хабарда.
