Telegram karinform

Жәмийет

  • 20.06.2022 19:00
  • 376

Академиялық лицейлерге онлайн тәризде ҳүжжет қабыллаў басланды

 

Бүгин, 20-июньнан баслап 2022-2023-оқыў жылы ушын академиялық лицейлерге улыўма билим бериў мектеплериниң 9-класс оқыўшыларынан ҳүжжетлерди litsey.edu.uz порталы арқалы онлайн тәризде қабыллаў процесслери басланды. Бул ҳаққында Жоқары ҳәм орта арнаўлы билимлендириў министрлиги хабар берди.

 

Абитуриентлер дизимнен өтиў процесинде системаға жеке мағлыўматларын киргизиў менен бирге төмендеги ҳүжжетлерди электрон формада (PDF, JPEG) жүклеўи керек:

 

- быйылғы жылы 9-классты питкергени ҳаққындағы аттестат;

- 3,5 х 4,5 см өлшемдеги 1 дана реңли фотосүўрет;

- оқыўға жеңилликли кириў ҳуқықын беретуғын ҳүжжетлер – пән олимпиадасы, таңлаўлар, жарыс жеңимпазы екенлигин тастыйықлайтуғын диплом, сертификат, гүўалық, сондай-ақ, шет тили ҳәм улыўма билим бериў пәнлерин билиў дәрежеси ҳаққындағы миллий ямаса халықаралық сертификат (егер болса).

 

Абитуриентлер дизимнен өтиўде:

 

- өзлери сайлаған онға шекемги академиялық лицейдиң биреўден сәйкес бағдарын сайлаўы (бунда билимлендириў тили бирдей болыўы керек);

- қайсы шет тилинен кириў тест сынағын тапсырыўын белгилейди.

 

Сондай-ақ, абитуриент өзи сайлаған аймақта (Қарақалпақстан Республикасы, ўәлаятлардың орайы ямаса Ташкент қаласында) шөлкемлестирилетуғын кириў тест сынақларында қатнасады.

 

Қабыллаў процесслери менен байланыслы қосымша мағлыўматларды академиялық лицейлерде шөлкемлестирилген «Мәсләҳәт орайлары»ның телефон номерлери арқалы билип алыўыңыз мүмкин.

 

Мағлыўмат орнында атап өтиў керек, Ташкент мәмлекетлик юридикалық университети жанындағы академиялық лицей ушын ҳүжжетлер litsey.dtm.uz сайты арқалы қабылланады.

 

Karinform.uz.

Social

Усыныс етемиз

Субсидия тийкарында алынған үй-жай кредити ушын ажыратылған қаржыдан дәрамат салығы алынбайды

Субсидия тийкарында алынған үй-жай кредити ушын ажыратылған қаржыдан дәрамат салығы алынбайды

Уқсас жаңалықлар

Халықтың мүрәжатлары итибарда: Пуқаралар Жоқарғы Кеңес Баслығына тиккелей мүрәжат ете алыў имканиятына ийе болды

Халықтың мүрәжатлары итибарда: Пуқаралар Жоқарғы Кеңес Баслығына тиккелей мүрәжат ете алыў имканиятына ийе болды

    Усы жылдың 24-сентябрь күни Қарақалпақстан Республикасы Жоқарғы Кеңесиниң Баслығы Аманбай Орынбаев басшылығында мәмлекетлик уйымлар ҳәм

Мәмлекетлик тест орайы апелляциялық шағымлар қашаннан баслап қабылланатуғынлығын мәлим етти

Мәмлекетлик тест орайы апелляциялық шағымлар қашаннан баслап қабылланатуғынлығын мәлим етти

    Жоқары оқыў орынларының бакалавриат тәлим бағдарларына кириў тест сынақларында қатнасқан ҳәм нәтийжесинен наразы болған абитуриентлер

Магистратураға қабыллаў нәтийжелери жәрияланбақта

Магистратураға қабыллаў нәтийжелери жәрияланбақта

    2022-2023-оқыў жылы ушын мәмлекетлик жоқары оқыў орынларының магистратура қәнигеликлерине қабыллаў бойынша magistr.edu.uz электрон системасы арқалы