Ҳүкиметтиң 145-санлы қарары менен тастыйықланған нызамға тийкарланып, «Ҳаяллар дәптери»не киргизилген ҳаял-қызларды қоллап-қуўатлаў төмендеги түрлерде әмелге асырылады:
1) Социаллық қорғаўға мүтәж жумыссыз ҳаял-қызлар ушын – бәнтлигин тәмийинлеў, зәрүр болғанда бир мәртелик материаллық жәрдем бериў;
2) Исбилерменлик пенен шуғылланыў нийетинде болған жәрдемге мүтәж ҳаял-қызлар ушын – исбилерментликти жолға қойыўға көмеклесиў;
3) Бағыўшысы болмаған жәрдемге мүтәж ҳаял-қызлар ушын – бир мәртелик материаллық жәрдем бериў, зәрүр жағдайларда аўыр турмыс шәраятындағы (үй-жайы ремонтлаўға мүтәж, бирақ шаңарағының имканыяты жетпейтуғын) ҳаял-қызлардың үй-жайын ремонтлаў;
4) Социаллық жәрдемге мүтәж I ҳәм II топар нәгиранлығы болған, сондай-ақ, тез медициналық жәрдемге мүтәж ҳаял-қызлар ушын - бир мәртелик материяллық жәрдем бериў, зәрүр жағдайларда үй-жайын ремонтлаў ҳәм оларға медициналық жәрдем көрсетиў;
5) Үй-жайға мүтәж ҳаял-қызлар ушын – ижара компенсациясын төлеў, социаллық үйлерге жайластырыў, үй-жай менен тәмийинлеў, керек болған жағдайда бир мәртелик материаллық жәрдем бериў;
6) Қарамағында нәгиранлығы болған перзенти бар жәрдемге мүтәж ҳаял-қызлар ушын - бир мәртелик материаллық жәрдем бериў, зәрүр болған жағдайда қыйтақ жерден ҳәм дийқаншылықтан дәрамат дереги сыпатында пайдаланыў ушын көмеклесиў.
