Қәнигелердиң пикиринше, борттағы ең қәўипсиз жер самолёттың артқы тәрепиниң үштен бир бөлеги. АҚШ Пуқаралық Авиация басқармасының 35 жыллық мағлыўматларына бола, бул бөлектеги өлим қәўпи 32%ти қурайды. Салыстырыў ушын, ортанғы бөлегинде 38%ке, алдында болса 39%ке артады.
Самолёттың артқы тәрепи, үштен бир бөлегиндеги ең орайлық орынлар қәўипсизлик бойынша ажыралып турады (тоқ жасыл реңде белгиленген). Бул тәрепте өлим көрсеткиши орташа 28%ти қурайды. Самолёттың ортасындағы орынлар болса ең қәўипли деп табылған, олардың өлимге алып келиў қәўпи орташа 44%. Самолёт бортында аман қалыў имканиятын арттырыўдың және бир варианты бар: Буның ушын айырықша жағдайларда жығыў жериниң қасындағы орынларды сайлаў керек. Қағыйдаға муўапық, айырықша жағдайларда самолёт 90 секунд ишинде толық эвакуация етилиўи керек. 100 ден аслам авиа апатлар анализи усы мағлыўматты тастыйықлайды. Лекин, басқаша жағдайлар да болыўы мүмкин. Мысалы, 1989-жылда United Airlines 232 рейси апатқа ушырағанда, тири қалғанлардың айырымлары самолёттың ортанғы бөлегинде болған. 1977-жылда Tenerife апатшылығанда 61 тири қалған адамлар тийкарынан алдынғы орынларда болған. Бундай мысаллар айырықша жағдайлар барқулла парықланыўы мүмкин екенлигин билдиреди.
Қәўипсизлик бойынша усыныслар
Пәрўаз ўақтында қәўипсизликти тәмийинлеў ушын төмендеги әпиўайы усынысларға әмел етиў керек:
- Стюардессалардың барлық көрсетпелерин ҳәрдайым дыққат пенен тыңлаң ҳәм эвакуация ўақтында ҳешқашан буйымларыңызды алыўға урынбаң;
- Апатқа ушыраған жағдайда тийкарғы мақсет самолёттан имканы барынша тез шығыў;
- Алдынғы орынның қалтасында жайласқан қәўипсизлик ҳаққындағы қолланбаны алдыннан оқып шығың;
- Айырықша жағдайларда светлер өшиўи мүмкин, сол себепли шығыў есигинен орныңызға шекем неше қатар бар екенлигин алдыннан санап қойың.
