Европадағы саўдаларда газ баҳасы 2-январь күни мегаватт/саат ушын 50,3 евроға шекем (шама менен 1 мың куб метр ушын 526 евро) көтерилди. Bloomberg хабарына бола, бул көрсеткиш 2023-жыл октябрьден берли газ баҳасының ең жоқары дәрежеси болған.
Газ баҳасының қымбатлаўына үш нәрсе себеп болмақта. Бириншиси – Россияның «Gazprom» компаниясы Украина арқалы Европаға газ транзитин тоқтатты.
Екинши себеп – Норвегияның Хаммерфест қаласындағы суйылтырылған тәбийий газ ислеп шығарыў заводы компрессор насазлығы себепли 9-январьға шекем хызметин тоқтатқан.
Үшинши себеп болса Арқа Европадағы суўық ҳаўа-райы болып, бул аймақта ысытыў ушын газ жумсалыўын арттырды.
