Өзбекстан дүньяның ең күшли паспортлар рейтингинде 68-орынды ийеледи, деп хабар береди Daryo.uz. Бул ҳаққында Passport Index сайтында жәрияланған мағлыўматларда келтирилген.
Өзбекстан Канаданың Arton Capital консалтинг фирмасы тәрепинен дүзилген Passport Index рейтингинде 95 орыннан 68-орынды ийеледи. 2024-жылда бул рейтингде 70-орынды ийелеген еди. Индексти дүзиўде компания паспорт ийелери қанша мәмлекетке визасыз бара алыўы яки сырт елге барғаннан кейин виза алыўы мүмкин екенлиги баҳаланған. Рейтингде бир орынға бирнеше мәмлекетлер туўры келеди.
Өзбекстан пуқаралары 32 мәмлекетке визасыз барыўы мүмкин, 46 мәмлекетке визаны жетип барғаннан кейин ала алады, 120 мәмлекетке барыў ушын болса белгиленген тәртипте виза алыў керек болады.
Өзбекстан пуқаралары төмендеги мәмлекетлерге визасыз кириўи мүмкин:
- Антигуа ҳәм Барбуда;
- Арманстан;
- Барбадос;
- Беларус;
- БАӘ;
- Доминика;
- Иран;
- Палестина;
- Филиппин;
- Гаити;
- Гамбия;
- Грузия;
- Кения;
- Кот-д'Ивуар;
- Малайзия;
- Микронезия;
- Монголия;
- Молдава;
- Намибия;
- Әзербайжан;
- Қырғызыстан;
- Қазақстан;
- Россия;
- Сент-Винсент ҳәм Гренадин атаўлары;
- Сейшел атаўлары;
- Шри-Ланка;
- Суринам;
- Тайланд;
- Тажикстан;
- Украина;
- Умман.
2024-жылда Өзбекстан пуқаралары ушын БАӘ, Умманда визасыз турыў ҳуқықы берилди, Қытайға 30 күнге шекем визасыз саяхат етиў имканиятын беретуғын келисимге қол қойды.
Орайлық Азия мәмлекетлери рейтингинде Қазақстан 52-орында (46 мәмлекетке визасыз режим), Қырғызстан 68-орында (30 мәмлекетке визасыз режим), Тәжикстан 72-орында (27 мәмлекетке визасыз режим), Түркменстан 76-орында (18 мәмлекетке визасыз режим).
Аўғанстан рейтингде ең төменги орыннан бир текше алдында. Аўғанстанлыларды тек 6 мәмлекет визасыз мәмлекетке киргизеди.
Дүньядағы ең күшли паспорт ийелери БАӘ пуқаралары болды. Олар 133 мәмлекетке визасыз бара алады, 47 мәмлекетке барғаннан соң виза алыўы мүмкин. Рейтингде ең төменги орынды Сурия ийеледи. Бул мәмлекеттиң пуқаралары 9 мәмлекетке визасыз барыўы, 31ине барғаннан соң виза алыўы мүмкин.
