![](\"http://img.uz/d/2017/12/5a452410f13b3.jpg\")
Иранның арқа бөлиминде 4,2 магнитудалы жер силкиниўи жүз берди, деп хабар берди РИА Новости. Жергиликли ўақыт пенен 00:54 лерде жүз берген жер силкиниўи ақыбетинде бир адам дүньядан көз жумған, 56 адам жарақатланған.
Жер силкиниўи ақыбетинде ер адам жүрек аўырыўынан дүньядан өткен. Өткен ҳәптеде мәмлекетте 5,2 магнитудалы жер силкиниўи жүз берип, ол ўақытта 2 адам дүньядан өткен еди.
Еслетип өтемиз, Иран сейсмологиялық зона есапланады. Сонлықтан, бул жерде тез-тезден жер силкиниўи болып турады.
Сахибжамал Есемуратова
