Киевте 57 мектеп карантин себепли жабылды

Украина пайтахтындағы 57 мектепте сабақлар тоқтатылды. Тийкарынан Деснянский ҳәм Оболонский районының оқыўшылары сабақларға қатнаспай атыр, деп хабар бермекте Korrespondent.net басылымы.
Грипп ҳәм жедел респираторлы вируслы инфекциялар жуқтырыў дәрежеси 20% тен артып кеткенликтен, Киевтиң 57 мектебинде, анығырағы 1606 класында сабақлар тоқтатылды. Сондай-ақ, және 53 мектептиң 314 класында оқыўшылар аўырыўға шатылған.
- Деснянский районында 19 мектеп толығы менен ҳәм 4 мектептиң айрым класлары, Оболонский районындағы 14 мектеп ҳәм 2 мектептиң айрым класлары жабылды, - делинген хабарнамада.

Ислам Матеков.