Аўғанстанда 2017-жылда 3,5 мың әпиўайы пуқара қаза болды – БМШ

2017-жылы Аўғанстанда 3,5 мың тыныш пуқара қаза болған, 7 мыңнан асламы жараланған, деп көрсетилген БМШның Аўғанстан бойынша миссиясының (МООНСА) протоколында. Бул ҳаққында Baq басылымы хабар бермекте.
БМШ Бас хаткериниң рәсмий ўәкили Стефан Дюжаррик қурбанлар саны 2016-жылға салыстырғанда 9%ке азайғанын, бирақ теракт ҳәм қолдан исленген жарылғыш затлардан қайтыс болғанлар көп екенлигин айтып өтти.
2017-жылы соңғы 9 жылда жүз бермеген қанлы теракт жүз берди. Кабулда 2 тонна тротилли жүк машинасы жарылып, 92 тыныш пуқара қайтыс болды. 491 адам жарадар болды. Жарылыў 31-майда Сапедор сарайында – БМШ ўәкиллиги ҳәм Германия елшиханасы алдында жүз берди.
Қайтыс болғанлардың 65%и ҳүкиметке қарсы болған ҳәр қыйлы топарлардың, атап айтқанда, «Талибан» ҳәм «Ислам мәмлекети» сыяқлы экстремистлик уйымларға байланысы бар.
- Аўғанстанның тыныш пуқаралары қорқынышта өмир сүрмекте. Тыныш пуқараларға қастыянлық жасағанлар жазасыз қалмақта, – деп хабарлады БМШның инсан ҳуқықлары бойынша жоқары комиссары Зейд Раад әл Хуссейн.

Ислам Матеков.