Экологик танлов ғолиблари аниқланди

Аввал хабар қилганимиздек, «3-май – Жаҳон матбуоти эркинлиги куни» ва «12-май – Экологик таълим куни» муносабати билан Бердақ номидаги Қорақалпоқ давлат университети «Камолот» ёшлар ижтимоий ҳаракати журналистика кафедраси билан биргаликда университет миқёсида «Экологик муаммолар менинг назаримда» номи билан фотосуратлар ва видеороликлар танловини ўтказди.

Танловга талаба-ёшлардан кўплаб материаллар келиб тушди. Уларда асосан Орол денгизининг қуриши, ҳаво ва дарё-кўлларнинг ифлосланиши, ичимлик сувининг тежаб ишлатилмаслиги, ахлатларнинг тўпланиб қолиши каби мавзуларга оид турли кўринишлар акс этган.
Бугун танловнинг тақдирлаш маросими ўтказилиб, энг яхши деб топилган фото ва видео материаллар муаллифларига диплом ва қимматбаҳо совғалар топширилди.

Танловга келиб тушган фотосуратларни сайтимизнинг «Фоторепортаж» бўлимида томоша қилиб боришингиз мумкин.
Ислам Матеков.