#KarinformWiki жойбарының нәўбеттеги қаҳарманы белгили тележурналист Ләззет Есемуратова. Журналист ҳаққындағы мағлыўматлар қарақалпақша википедияға киргизилди.
Бул мағлыўматлар менен төменде оқып таныссаңыз болады.
Ләззeт Есемуратова - Қарақалпақстан телеканалында редактор.
Аты - Ләззет Есемуратова
Туўылған жылы - 1983-жыл
Миллети - Қарақалпақ
Сыйлықлары - Жылдың ең белсенди жас журналисти
θмири ҳәм дөретиўшилиги
1983-жылы 15-августта Нөкис қаласында туўылды. 2004-жылы Бердақ атындағы Қарақалпақ мәмлекетлик университети журналистика қәнийгелигин питкерди. 2004-жылдан Қарақалпақстан телеканалында редактор болып ислемекте.
Жетискенликлери
- 2012-жылы «Жылдың ең белсенди жас журналисти» таңлаўының жеңимпазы болды;
- 2014-жылы «Алтын қәлем» Миллий таңлаўының «Радиода мыңжыллық раўажланыў мәқсетлери темасын сәўлендиргени ушын» хошаметленди.
- 2016-жылы θзбекстан Кәсиплик Аўқамы федерациясы Кеңесиниң «Саламат ана ҳәм бала жылындағы ең жақсы материал ушын» хошаметленди.
- 2017-жылы «Тумандаги ва маҳалламдаги экологик ҳолат» таңлаўындағы ең жақсы видеоролик жөнелиси бойынша 2-орын;
- «Мойнақ ҳәм Аралдың қайта тиклениўи» халықаралық экофестивальда «Ең жақсы видеоролик» таңлаўының жеңимпазы деп табылды;
- Баспасөз ҳәм хабар агентлиги, Қарақалпақстан Республикасы Мәденият министрлиги, Экология ҳәм қоршаған орталықты қорғаў комитети, Халық билимлендириў министрлигиниң ҳүрмет жарлықлары менен сыйлықланды.
Бүгинги күнде
Бүгинги күнде θзбекстан телеканалында «Нәўпир», Қарақалпақстан телеканалында «Арнаўлы эколайф», «Қызлар ушын» көрсетиўлериниң редакторы. «Нөкис ФМ» радиоканалында еситтириўлер таярлайди.
Ҳүрмет пенен,
#KarinformWiki жәмәәти
