Джинсы кийиў усылы
Тар джинсылар ҳаял адамның ден саўлығына зыян, шыпакерлердиң берген мағлыўматларына бола, тар кийимлер жумыс ўақтында адам өзин еркин сезиўге кесент етип, ашыўланыўға себеп болады.
Үлкен аўыр сумка
Аўыр сумкаларды көтерген ўақтымызда арқаға ҳәм ийинге зыян тийгизеди. Бул адамның өзин тик услап жүриўине кесент етеди.
Бийик каблуклар
Бийик каблуклар күн бойы биймәлел жүриўге қолайсызлық туўдырады. Әдетте 2-3 см бийикликтеги аяқ кийимлерди таңлаған мақул.
Юбка-карандаш
Тар юбкаларда жүриў бираз қолайсыз. Сонлықтан, кеңирек, бирақ сулыў юбкаларды кийген мақул.
Аўыр тағыншақлар
Аўыр сырғалар қулақлардың тесигиниң үлкейип кетиўине себеп болады. Сонлықтан, жүдә жеңил болған сырғаларды таңлаў керек.
Үлкен кирпиклер
Кирпиклерди жүдә қалың бояў ҳаяллардың «қуўыршақ»қа уқсап қалыўына себеп болады. Сонлықтан, кирпиклерди де өз жолы менен бояған мақул.
Сахибжамал Есемуратова
