Усы жылдың 26-27-февраль күни Пайтахтымызда жайласқан Жаслар орайында «I Жас журналистлердиң медиафорумы» болып өтти. Медиафорумның соңында 2015-жылдан берли Бердақ атындағы Қарақалпақ мәмлекетлик университети журналистика қәнигелигиниң студентлери ортасында өткерилип киятырған «Жас журналист» таңлаўының жеңимпазлары анықланды.
Таңлаўға қатнасыўшылар 2017-жылдың январь айынан 2018-жылдың январь айына шекемги аралықта ғалаба хабар қуралларында жәриялаған материаллары менен катнасты. Төменде жеңимпазлар менен танысыўыңыз мүмкин:
«Ең жақсы сын мақала» - журналистика қәнигелигиниң 3-курс студенти Жаҳангер Искендеров;
«Ең жақсы интернет материалы» - журналистика қәнигелигиниң 4-курс студенти Нурсулыў Нурбекова;
«Ең жақсы баспасөз материалы» - журналистика қәнигелигиниң 4-курс студенти Зийўар Хожамуратова;
«Ең жақсы баспасөз материалы» - журналистика қәнигелигиниң 4-курс студенти Улбосын Абатова;
«Ең жақсы интернет материалы» - журналистика қәнигелигиниң 2-курс студенти Гәўҳар Бегжанова;
«Ең жақсы телематериал» - журналистика қәнигелигиниң 4-курс студенти Дилноза Махамбетова;
«Ең жақсы радиоматериал» - журналистика қәнигелигиниң 2-курс студенти Дәмегүл Султанбаева;
«Ең көп мақала жәриялаған автор» - журналистика қәнигелигиниң 4-курс студенти Улзада Қошқарова;
«Балалар турмысын сәўлелендириўши ең жақсы материал» - журналистика қәнигелигиниң 2-курс студенти Парахат Әжимуратов;
«Университет турмысын сәўлелендириўши ең жақсы материал» - журналистика қәнигелигиниң 4-курс студенти Сарбиназ Қудайбергенова;
«Жаслар турмысын сәўлелендирген ең жақсы материал» - журналистика қәнигелигиниң 4-курс студенти Мухайё Ибрагимова;
«Ең жақсы әмелиятшы студент» - журналистика қәнигелигиниң 2-курс студенти Айнура Алишова.
Усындай таңлаўларды шөлкемлестириўде, студентлердиң теориялық ҳәм әмелий билимлерин жетилистириўде журналистика кафедрасы оқытыўшыларының әсиресе, кафедра баслығы ф.и.к. Злиха Оразымбетованың хызмети айрықша.
Сайтымыздың телеграмдағы каналына ағза болың: 👉 https://t.me/karinformuz
Сахибжамал Есемуратова
