Россия космослық агентлиги менен Қытайдың Миллий космослық комитети Ай ҳәм космосты изертлеў бағдарында шериклес болыў нийетинде, деп хабар бермекте РИА Новости басылымы.
Олар Токиода өткерилип атырған космосты изертлеў бағдарындағы халықаралық форумда өз ара келисимге ерискен.
Келисим 2022-жылы «Луна-Ресурс-1» космослық аппаратын орбитаға алып шығыўда Россия жобасы тийкарында, 2023-жылға режелестирилген Айдың қубла полюсине қоныў бойынша Қытайдың миссиясы бойынша өз ара бирге ислесиўди аңлатады.
Келисимге «Роскосмос» корпорациясының бас директоры Игорь Комаров ҳәм Кытай Миллий космослық комитети баслығының орынбасары У Яньхуа қол қойды. Соның менен бирге, олар Ай ҳәм шексиз космос жойбарлары тийкарында биргеликтеги мағлыўматлар орталығын жаратыўға келисип алды.
Сайтымыздың телеграмдағы каналына ағза болың: 👉 https://t.me/karinformuz
Ислам Матеков.
