Американың әскерий кемеси Қубла теңиздеги тартыслы жерге кирди

АҚШ Әскерий-теңиз флоты кемеси Қытайдың Қубла Қытай теңизиниң қубла-батыс бөлегиндеги Спартли архипелагында жайласқан Мисчиф (Мейдзи) кораллы рифлерине 12 теңиз милинен көбирек қашықлықта жақынласты.
Бул Дональд Трамптың президент болғанынан кейин америкалылар кемесиниң усы аймаққа биринши мәрте кириўи екенлиги айтылмақта. Бул аймақ Қытай, Тайван, Филиппин ҳәм Вьетнам арасындағы тартыслы жер болып, АҚШ әскерий кемесиниң усы тартыслы аймаққа кириўи, оның региондағы позициясын көрсетиў ушын АҚШ президентиниң буйрығы тийкарында әмелге асырылғаны ҳаққында хабарлар тарқалды.