Манчестерде акция: «Егер маған исенсең, мени қушақла!»

Бактэш Ноори Англияның Манчестер қаласындағы жүз берген теракттен соң адамлар арасында исламофобияны жоқ етиў мақсетинде социаллық тәжирийбе өткерди. Ол көзлерин қара таўар менен байлап алған, алдына «Мен мусылманман, мен саған исенемен, егер сен де маған исенсең, мени қушақла!» деген жазыў менен қала көшелериниң биринде турған.
Оның қасына адамлар келе баслады ҳәм оны қоллап-қуўатлап, жигитти қушақлай баслады. Арадан бираз ўақыт өтип, оны қушақлаў ушын адамлар гезек күтип тура баслады.
Мағлыўмат ушын, 22-май күни кеште Манчестер қаласындағы Манчестер Арена жабық стадионында жарылыў жүзберди. Бул ўақытта америкалы қосықшы Ариана Грандениң концерти болып атыр еди. Жарылыў ақыбетинде 22 адам қайтыс болып, 59 адам жараланды.