Жазыўшы О. Абдирахмановтың қәлемине тийисли «Өжетлер» комедиясы Өзбек Миллий Академиялық Драма театрында тамашагөйлер дыққатына усынылмақта. Бул спектакл Өзбекистанда хызмет көрсеткен артист Марат Азимов ҳәм Қарақалпақстанлы режиссёр Қуўанышбай Рейимбаев тәрепинен сахналастырылған. Бул ҳаққында Қуўаныш Реймбаев фейсбук социаллық тармағында хабарлады. Спектаклде Өзбекистанда хызмет көрсеткен артистлер Абдурайым Абдуваҳобов, Хожиакбар Комилов, Раъно Ярашева, Гулчехра Ибрагимбекова, Саида Раметова, Тоҳир Саидов, Беҳзод Муҳаммадкаримов, Мехриддин Раҳматов, Өзбекистан халық артислеринен Теша Мўминов, Зухра Ашурова, жас артистлерден Дилноза Кубаева ҳәм Нигина Анорбоевалар қатнасқан.
