Ислам Каримовтың ең соңғы ушырасыўлары (+фото)

2016-жылдың 24-июнь сәнеси Өзбекистан тарийхында айрықша орынға ийе күн есапланады. Өйткени, бул күни Ташкентте Шанхай бирге ислесиў шөлкеминиң гезектеги саммити өткерилип, онда Өзбекистанның Биринши Президенти Ислам Каримов Қазақстан Республикасы Президенти Н.Назарбаев, Қытай Халық Республикасы Басшысы Си Цзиньпин, Қырғызстан Республикасы Президенти А.Атамбаев, Россия Федерациясының Президенти В.Путин ҳәм Тәжикстан Республикасы Президенти Эмомали Раҳмон менен ушырасқан еди. Бул ушырасыў Биринши Президенттиң өз кәсиплеслери менен соңғы ушырасыўы болды.

Сол күни Ислам Каримов кәсиплеслери менен айрықша ушырасыўлар өткерип, РФ Президенти В.Путин менен Ташкент қаласындағы А.С.Пушкинниң ҳәйкелине гүл қойған еди.