ҚМУ дың усы оқыў жылындағы соңғы информациялық саатында «Студентлер сабақ ўақтында кол телефонларынан, ҳәттеки, калькулятор сыпатында да пайдаланыў мүмкин емес. Қол телефонларынан тек ғана оқыў орнының баслығы ямаса устазлары менен, қолайсыз жағдайлар жүз бергенде ата-анасы менен сөйлесиўге руқсат бериледи деп қосыма қылды, - журналистика кафедрасының баслығы Злиха Оразымбетова.
Бердақ атындағы Карақалпақ мәмлекетлик университетиниң «Мәденият сарайы»нда жаслар арасында саламат турмыс тәризин қәлиплестириў, жынаятшылық ҳәм ҳуқықбузарлықтың алдын алыў, ҳәр түрли бузғыншы идеяларға қарсы беккем иммунитетин қәлиплестириў мақсетинде «Жаслар тәрбиясы: машқалалар ҳәм шешимлер» атамасындағы үгит-нәсиятлаў илажы өткерилди. Онда педагогика ҳәм психология кафедрасының баслығы Турдыбай Сапаров, Нөкис қалалық ишки ислер бөлими баслығы Нийетбай Қыдырбаев, журналистика кафедрасының баслығы Злиха Оразымбетова, Муҳаммед Ибн Ахмад ал Беруний атындағы орта арнаўлы билим журты оқытыўшысы Жорабек Ишаевлар баянат жасады.
Сахибжамал Есемуратова
