23 ёшида вазир муовуни бўлган Алишер Саъдуллаев тўғрисида маълумот

Шу пайтга қадар Тошкент шаҳридаги «Result» ўқув маркази раҳбари вазифасида фаолият юритиб келаётган Алишер Саъдуллаев Халқ таълими вазири ўринбосари этиб тайинланди, дея хабар бермоқда Корреспондент Ўзбекистон.
Алишер Саъдуллаев Ўзбекистон Ёшлар иттифоқининг IV Қурултойида сўз олиб, ёшларга тил ўргатиш истиқболлари ҳақида Ўзбекистон Республикаси Президенти Ш.Мирзиёевга ўз таклифларини билдирган эди. Президент тажриба тариқасида мажлиснинг ўзида Алишер Саъдуллаевни Халқ таълими вазирининг ёшлар масалалари бўйича ўринбосари этиб тайинлаган.
Алишер Саъдуллаев 1994 йилнинг 11 июлида Жиззах вилоятининг Жиззах туманида туғилган.
Тошкент шаҳридаги Сингапур менеджментни ривожлантириш институтини тамомлаган. Алишер Навоий номидаги миллий кутубхона қошидаги «YES» клубида 2014-2015 йиллар оралиғида етакчилик қилган.
Маълумотларга кўра, 1 июль куни Алишер Саъдуллаев янги муовун сифатида вазирлик ходимларига таништирилган.