Экологиялық таңлаў жәрияланды

Қарақалпақ мәмлекетлик университети «Камолот» ЖЖҲ басланғыш шөлкеми ҳәм «Журналистика» кафедрасы менен биргеликте «Экологиялық машқалалар мениң нәзеримде…» темасындағы фото ҳәм видеороликлер таңлаўын жәриялайды.
Таңлаўға экологиялық машқалаларды сәўлелендириўши фото ҳәм видеороликлери менен университеттиң барлық факультетлеринен магистрантлар менен студентлер қатнасыўына болады.



ТАҢЛАЎ ШӘРТЛЕРИ: Темаға тийисли 5 тен кем болмаған фото сүўрет ҳәм 5 минуттан аспаған көлемдеги видеороликлер усы жылдың 15-апрель сәнесине шекем Қарақалпақ мәмлекетлик университети «Камолот» ЖЖҲ басланғыш шөлкеминде қабыл етиледи. Фото сүўретлер тема қойылған, мазмуны бойынша қысқа тексти менен автордың аты-жөни көрсетилген папкаға салынып усынылады. Видеороликлер дискке көширилген, автордың аты-жөни ишинде көрсетилген формада усынылады.
ЕСЛЕТПЕ: Журналистика қәнигелиги бойынша тәлим алып атырған студентлердиң мийнетлери өз алдына, басқа қәнигеликтеги студентлер өз алдына сыйлықланады.
Автордың мийнетлери қәнигелерден дүзилген комиссия қурамы тәрепинен баҳаланады.