Дүньядағы ең әжайып 4 мектеп (+фото)

Мектеп ҳәр бир мәмлекетте бар. Олардың билим бериў бағдарлары ҳәм усыллары ҳәр қыйлы. Ҳәр бир елдиң өзиниң оқытыў усылы ҳәм тәртиби болады. Massaget.kz сайты дүньядағы ең әжайып 4 мектеп ҳаққында материал жәриялады.

Orestad Gymnasium





Данияның Копенгаген қаласында жайласқан бул мектеп журналист болыў нийетинде жүрген оқыўшыларға арналған. 2007-жылдан берли мектептиң интерьери дүньядағы ең сулыў мектеплердиң беслигине киреди. Бул мектеп миллий билимлендириў тараўы тийкарында исленген. Мектептиң ишки ҳәм сыртқы қурылыс жойбары менен Даниядағы 3XN Architecs компаниясы шуғылланған.

Marcel Sembat High School





Францияның Соттевиль-ле-Руан қаласында жайласқан. Бул мектептиң өзгешелиги сонда, мектеп жасыл тереклер менен қоршалған. Өйткени, бул жерде ден саўлығы төмен болған оқыўшылар оқыйды. Мектептиң қурылысы алты бөлектен турады. Ҳәр бир бөлим бир-биринен өзгешеленип турады.

Green School





Индонезияның Бали қаласында жайласқан. Мектеп экология менен шуғылланыўды нийет еткен оқыўшыларға арналған. Мектеп тәбият қойнында жайласқан болып, бул оқыўшыға жақсы тәсир етеди. Бул жерде мәжбүрлеп оқытыў жоқ. Ең қызықлы тәрепи сонда, оқыўлық қураллар ҳәм мектептиң барлық дәске-дүскелери бамбуктен исленген.

Vittra Telefonplan






Швецияның Стокгольм қаласында жайласқан. Бул мектеп кишкене философларға арнап, Rosan Bosch агентлигиниң арнаўлы жойбары тийкарында салынған. Мектеп дизайниниң өзгешелиги, оның реңлериниң тынықлығында болып табылады. Бул жерде балалықтан билимли, арнаўлы таярлық талап етпейтуғын оқыўшылар оқыйды.

Ислам Матеков.