Жақында Қанлыкөл районындағы «Наўрыз» АПЖ аймағында «Арба» бренди астында этномәдений орай ашылады. Тийкарынан бул орын халықлар дослығы символы болады.
«Туризм бойынша тарийхый орынларымыз жоқ деп отыра алмаймыз. Биз буны өз қолымыз бенен жаратып атырмыз», - деди Қанлыкөл районы ҳәкиминиң орынбасары Қурал Абдикаримов.
Бул жерде үстине отынлар тийелген ағаштан исленген үлкен арба орнатылған. Оның астында киши дем алыў орны бар. Бул әлбетте, тек ғана жергиликли халықта емес, ал туристлерде де қызығыўшылық оятыўы анық.
Сондай-ақ, бул жерде түркмен, қырғыз ҳәм қазақша қара үйлер жайластырылған. «Арба» усы жылдың 25-26-май күнлери ашылыўы режелестирилген.
Сахибжамал Есемуратова
