Қосықшыларымыз социаллық тармақларда нелерди үгит-нәсиятламақта?

Жақын күнлерде Фейсбук социаллық тармағында қарақалпақ эстрадасының қосықшысы Даник (Дәнияр Исмаилов)тиң жеке бетинде төмендеги сүўрет жәрияланды. (Сүўретке артықша тәрийп берип отырыўдың қәжети жоқ, деп ойлайман).



Сигарета шегиў ямаса шекпеў – бул ҳәр кимниң жеке иси. Бирақ, оны үгит-нәсиятлаў жәмийетимиздиң алдынғы ўәкиллери, әсиресе, өсип киятырған жас әўладлар үлги алатуғын эстрада қосықшыларына қалған жумыс емес, деп есаплайман. Дурыс, сүўреттиң жоқарғы тәрепиндеги жазыў сигарета шегиў ямаса оны үгит-нәсиятлаў ҳаққында емес шығар, солай болса да, сүўретти биринши көрген адамның дыққаты жазыўға емес, сигаретаны бурқыратып шегип турған адамға түседи. Халық жәмийет алдынғылары, белгили қосықшыларды үлги аларлық инсанлар деп есаплайды. Сол себепли, олар өзлериниң ҳәр бир ҳәрекетине жуўапкершилик пенен қатнас жасағаны дурыс.

Ислам Матеков.