Қытай шаңарақлардағы перзентлер санына қойылған шеклеўди пүткиллей бийкарламақшы

Қытайдың ҳүкимран шеңберлери шаңарақтағы перзентлер санына қойылған барлық шеклеўлерди пүткиллей бийкар етиўди көрип шықпақта. Бул ҳаққында «Meduza»ға тийкарланып Qalampir.uz хабар бермекте.
Қытай басшылары бул арқалы халықтың орташа жасын жасартыў нийетинде. Сондай-ақ, бул қарар Қытай ҳүкимран шеңберлериниң туўылыўды шеклеў сиясатын инсан ҳуқықларының бузылыўы деп есаплайтуғын ҳуқық қорғаўшыларының сын пикирлерине шек қояды.
Мағлыўмат ушын, Қытай 1970-жылдан берли «бир шаңарақ – бир перзент» сиясатын алып барған. Соңғы ўақытлары бул қағыйда халықтың үштен бир бөлегине қолланылып атырған еди.
Усы сыяқлы шеклеўлер себепли Қытай мийнет етиўге уқыплы халықтың қысқарып кетиўи сыяқлы қурамалы машқалаға дус келди.
Буннан соң 2016-жыл 1-январьдан баслап «бир шаңарақ – бир перзент» қағыйдасы рәсмий түрде бийкар етилген еди.

Сайтымыздың телеграмдағы каналына ағза болың: https://t.me/karinformuz

Ислам Матеков.