«Жылдың ең белсенди спорт журналисти» таңлаўының Қарақалпақстандағы жеңимпазы ким?

2017-жылдың май айында қайта дүзилген «Қарақалпақстан спорты» газетасының арнаўлы хабаршысы Қуралбай Кеңесбаев Өзбекстан Республикасы дене тәрбия ҳәм спорт министрлиги ҳәм бир қатар шөлкемлер тәрепинен шөлкемлестирилген «Жылдың ең белсенди спорт журналисти» таңлаўының жеңимпазы деп табылды.
Ол таңлаўға 2017-жылдың 1-июнь сәнесинен 2018-жылдың 1-июнь сәнеси аралығында ғалаба хабар қуралларында жәриялаған дүнья жүзи, Өзбекстан ҳәм Қарақалпақстандағы спорт илажлары, спортшылар ҳәм олардың тренерлери туўралы 70ке жақын информациялық ҳәм көркем-публицистикалық жанрдағы материаллары менен қатнасты.
Ол «Қарақалпақстан спорты» газетасында ислеў менен бирге Бердақ атындағы Қарақалпақ мәмлекетлик университетиниң магистратура бөлими журналистика қәнигелигиниң 1-курс магистранты.
Журналистти табысы менен қутлықлап, оқыўларында табыс, дөретиўшилик жумысларына бәлент пәрўазлар тилеймиз.

Сахибжамал Есемуратова