27-июнь – Баспасөз ҳәм ғалаба хабар қураллары хызметкерлери күни Нөкис қаласындағы 22-санлы Балалар музыка ҳәм көркем өнер мектебинде кең түрде белгиленди. Онда елимизге белгили журналистлер менен бир қатарда усы тараўға енди қосылып атырған жас қәлем ийелери де қатнасты.
Байрам менен бирге «Қарақалпақстан» баспасының 90 жыллық, «Тўрткўлнома» газетасының 85 жыллық, «Шоманай нуры» газетасының 65 жыллық, «Давр кўзгуси» газетасының 40 жыллық, «Қарақалпақстан мәденияты» газетасының 25 жыллық, «Устаз жолы» газетасының 20 жыллық сәнелери де кең түрде белгиленди.
Илажда Қарақалпақстан Республикасы Жоқарғы Кеңесиниң комитет баслығы Д.Қурбаниязов қатнасып, Қарақалпақстан Республикасы Жоқарғы Кеңеси менен Министрлер Кеңесиниң Баспасөз ҳәм ғалаба хабар қураллары хызметкерлерине жоллаған байрам қутлықлаўын оқып еситтирди.
Сахибжамал Есемуратова
