Өзбекстанда бақша ҳәм мектеп хызметкерлери медициналық көриктен өтиўден бас тартыўға ҳақылы емес. Бул ҳаққында Әдиллик министрлигиниң «Ҳуқуқий ахборот» каналы мәлим етти.
«Мектепте оқытыўшыман. Ҳәр жылы мәжбүрий түрде өзимиз пул жыйнап, медициналық көриктен өтемиз. Сораўым соннан ибарат, медициналық көриктен өтиўимиз шәрт пе?» - деп жазылған Телеграм каналына келип түскен мүрәжатта, деп жазады Daryo.uz.
Мийнет кодексине муўапық жумыс бериўши мийнет шәртнамасын дүзиў ўақтында дәслепки тәризде ҳәм кейин ала ўақты-ўақты менен улыўма билим бериў мектеплери, мектепке шекемги тәрбия ҳәм басқа мәкемелердиң тиккелей балаларға тәлим ямаса тәрбия бериў менен бәнт болған педагог және басқа хызметкерлерин медициналық көриктен өткериўди шөлкемлестириўи шәрт.
Хызметкерлер медициналық көриклерден өтиўден бас тартыўға ҳақылы емес.
Медициналық көриктен өтиў мүнәсибети менен хызметкерден пул өндирилиўи мүмкин емес, сондай-ақ, медициналық көриклерди өткериў ўақтында хызметкердиң жумыс орны (лаўазымы) ҳәм орташа айлық мийнет ҳақысы сақланады.
Ислам Матеков.
Сайтымыздың телеграмдағы каналына ағза болың: https://t.me/karinformuz
