1-август күни өткерилген тест сораўларының нәтийжелери мәмлекетлик тест орайының dtm.uz сайтында жәрияланбақта.
Абитуриентлер кеше 22:00 ден соң сайтқа жуўаплар бетиниң номерин киргизип, топлаған баллының нәтийжелери менен танысып атыр. Оқыўға кире алмағанларға «TAVSIYA ETILMAGAN» жазыўы шықпақта.
Егер сораўлар белгиси пайда болса, сол абитуриент студент болғанлығын билдиреди.
Белгили болғанындай, биринши күн нәтийжелерине муўапық, мәмлекетлик грант бойынша ең жоқары балл 223,5 баллды қурап, (Юридикалық университетте), мәмлекетлик-шәртнама тийкарында ең жоқары балл болса, 176,7 баллға тең болды (бул да юридикалық университетте контракттың биринши орында турған абитуриенттиң баллы).
Тест сынақларында 58 985 абитуриент қатнасты, ал 1 393 абитуриент келмеди.
Тәртип қағыйданы бузғаны ушын 255 абитуриент тест сынақларынан шетлетилди.
Сахибжамал Есемуратова
