![](\"http://img.uz/d/2018/08/5b6d1d6f88582.jpg\")
Бердақ атындағы Қарақалпақ мәмлекетлик университети 2018-2019-оқыў жылы ушын өткерилген кириў имтиханлары жуўмақланды, деп хабар берди karsu.uz сайты.
Тест сынақлары 3-8-август күнлери аралығында Нөкис олимпия резервлери колледжиниң 2 бинасында 1-сменада ҳәм Қарақалпақстан Республикасы олимпия ҳәм миллий спорт түрлери бойынша жоқары спорт мектебиниң 4 бинасында 1-сменада болып өтти.
Мағлыўмат орнында, усы оқыў жылы ушын улыўма күндизги бөлимге 18089 абитуриент ҳүжжет тапсырған болса, соннан:
Пән олимпиадасы жеңимпазлары – 2;
«Мәрт уғлан» мәмлекетлик сыйлығы ийеси – 1;
Спорт жарыслары жеңимпазлары (чемпионлар) – 7;
Әскерий хызмет ўақтында әкеси ямаса анасы майып ямаса қайтыс болған абитуриентлер – 25;
Әскерий бөлим усынысына ийе болғанлар – 168;
Нәгиранлығы болған пуқаралар (I-II топар) – 112;
Көзи әззи абитуриентлер – 2;
Шет тилин билиў дәрежеси (В1+) сертификатына ийе абитуриентлер – 21 ди қурайды.
Ҳәр күни өткерилген тест нәтийжелери мәмлекетлик тест орайының dtm.uz сайтында жәрияланып барылды.
Еслетип өтемиз, 3-6-август күнлери аралығында кириў имтиханлары болып өткен тәлим бағдарлары бойынша тест нәтийжелерин университет мәлимлеме ресурс орайы алдында аранаўлы түрде шөлкемлестирилген тахталардан көриўиңизге болады.
Сахибжамал Есемуратова
