![](\"http://img.uz/d/2018/11/5bda84bebf583.jpg\")
Әжинияз атындағы Нөкис мәмлекетлик педагогикалық институтында Тәжикстан Республикасындағы Тәжикстан миллий университетиниң механико-математика факультетиниң деканы Раим Одинаев, университет доценти Абдулло Мирзоев ҳәм бир қатар студентлер менен ушырасыў болып өтти.
![](\"http://img.uz/d/2018/11/5bda84ef489b7.jpg\")
Ушырасыў даўамында институт пенен Тәжикстан миллий университети ортасында билимлендириўдиң ҳәр түрли тараўлары бойынша биргеликте ислесиў бойынша шәртнамаға қол қойылды.
![](\"http://img.uz/d/2018/11/5bda851211516.jpg\")
Оған муўапық, келешекте еки жоқары оқыў орны ортасында профессор-оқытыўшылар, магистрантлар, студентлер ҳәм илимий излениўшилердиң билимин жетилистириў, стажировкаға жибериў, биргеликте илимий қолланбалар ҳәм китаплар шығарыў, мағлыўматлар алмасыў, биргеликте илимий конференция, семинарларды өткериў бойынша келисип алынды.
![](\"http://img.uz/d/2018/11/5bda8534c4adf.jpg\")
Буннан соң мийманлар физика-математика факультетинде болып, ол жердеги профессор-оқытыўшылар ҳәм студентлер менен ушырасып, өз-ара пикир алмасылды.
Сахибжамал Есемуратова
