O’zLiDeP Бош қомусимизнинг 26 йиллигини кенг нишонлади

O’zLiDeP Қорақалпоғистон Республикаси Кенгаши томонидан Ўзбекистон Республикаси давлат Конституциясининг 26 йиллик байрами муносабати билан “Конституция – бахтимиз таянчи” мавзусида Тошкент давлат аграр университети Нукус филиали мажлислар залида тадбир ташкил этилди, дея хабар қилди O’zLiDeP Қорақалпоғистон Республикаси Кенгаши матбуот хизмати.
Унда партиянинг Қорақалпоғистон Республикаси Кенгаши ходимлари, Қорақалпоғистон Республикаси Адлия вазирлиги, тегишли ташкилот вакиллари, талаба ёшлар ва ОАВ вакиллари иштирок этишди.

Бош қомусимиз мамлакатимизда сиёсий, ижтимоий, иқтисодий ва гуманитар соҳаларни демократлаштириш, жамият ва давлатни модернизация қилиш борасида амалга оширилаётган тарихий ўзгаришларга, хусусан парламентчилик ва кўппартиявийлик асослари шаклланиши ва мустаҳкамланишига, фуқаролар ҳуқуқ ва эркинликларини таъминлашнинг қонуний негизи яратилишига ҳуқуқий пойдевор бўлди деди – O’zLiDeP Қорақалпоғистон Республикаси Кенгаши раиси С.Турманов.
Унда халқимизнинг тарихий анъаналари ва миллий хусусиятлари ҳам ўз ифодасини топган.
Тадбир давомида соҳа вакиллари бугунги кунда мамлакатимизда қонунчилик доирасида олиб борилаётган кенг кўламли ислоҳотлар юзасидан маълумотлар бериб ўтди ва Бош қомусимизнинг бўлим ва моддаларини шарҳлаб, уларнинг мазмун-моҳияти ёшларга кенгроқ тушунтирилди.
Тадбир сўнгида партияга аъзо бўлган ёшларга партия гувоҳномалари топширилди.