Алдын хабар бергенимиздей, «Қуўнақлар ҳәм зийреклер» таңлаўдың шерек финал басқышында ең жоқары балл менен Нөкис мәмлекетлик педагогикалық институтының «Туран» командасы ярым финалға жол алған еди.
Ярым финал басқышында Ташкент ирригация ҳәм аўыл хожалығын механизациялаў инженерлери институтының «Тарғибот», Ташкент мәмлекетлик аграр университети Нөкис филиалының «Agrolife» ҳәм Өзбекстан мәмлекетлик жәҳән тиллери университетиниң «Болалар» командалары менен финал басқышына жоллама алыў ушын өзлериниң қәбилетлерин көрсете алған институт студентлери «Тарғибот» командасы менен бирге финал жолламасына ийе болды. «Тарғибот» 11,6 балл менен, ал «Туран» 11,5 балл менен финалға жол алды.
Төменде ярым финал басқышында Нөкис мәмлекетлик педагогикалық институтының «Туран» ҳәм Ташкент мәмлекетлик аграр университети Нөкис филиалының «Agrolife» командаларының сахналық көринислерин толық көриўиңиз мүмкин.
1-бөлим
2-бөлим
Ислам Матеков.
Сайтымыздың телеграмдағы каналына ағза болың: https://t.me/karinformuz
