Байрам қарсаңында меҳирге мүтәж балалар ҳалынан хабар алынды

Адамлардың айрықша итибары ҳәм ғамқорлығына мүтәж болғанлардың ҳалынан хабар алыў халқымызға тән болған жоқары адамгершиликли
27-декабрь күни Әжинияз атындағы Нөкис мәмлекетлик педагогикалық институты жәмәәти ҳәм студент-жаслары Қарақалпақстан Республикасы Халық билимлендириў министрлигине қараслы 3-санлы ақылы зайып балалар ушын қәнигелестирилген мәмлекетлик билимлендириў мәкемесине барып, усы жерде тәрбияланып атырған балалар менен ушырасты.

Жаңа жыл мүнәсибети менен институттың бир топар талантлы студентлери тәрепинен таярланған концерт бағдарламасы қойып берилди.
Кешеде институт факультет деканлары ҳәм студент-жаслар шығып сөйлеп, балаларды, мектеп жәмәәтин кирип киятырған жаңа жыл менен қутлықлады ҳәм байрам саўғаларын тапсырды.

Шөлкемлестирилген байрам концерти, жаңа жыл саўғалары, әсиресе, аяз ата менен қар қызының келгени балалар ушын бир дүнья қуўаныш болды.

Ислам Матеков.

Сайтымыздың телеграмдағы каналына ағза болың: https://t.me/karinformuz