Хош хабар: Саламат Аяпов ҳәм Ақылбек Пиязов «Ниҳол-2017» жеңимпазы болды

Мағлыўматларға қарағанда, «Ниҳол» мәмлекетлик сыйлығының финаллық басқышына Қарақалпақстаннан 6 жас талант ийелери қатнасқан. Олар арасынан қәбилетли жас жыраў Саламат Аяпов ҳәм Пиязовлар шаңарағының генже перзенти, жас опера қосықшысы Ақылбек Пиязовлар жеңимпаз деп табылған. Бул ҳаққында Зийўар Жақсыбаева мағлыўмат берип өтти.
Дәректиң билдириўинше, «Ниҳол-2017» таңлаўының сыйлықлаў салтанаты 25-август күни саат 18:00де Ташкент қаласындағы «Истиқлол» көркем өнер сарайында болып өтеди.
Өз қәбилети менен дүньяны лал қалдырып киятырған жас талант ийелери Саламат Аяпов ҳәм Ақылбек Пиязовларды табысы менен қутлықлап қаламыз.

Ислам Матеков.