Сырт еллерден пул жибериў бойынша Қарақалпақстан Өзбекстан регионлары арасында нешинши орында?

2018-жылдың январь-декабрь айлары бойынша басқа әмелдеги трансфертлер қурамына киретуғын республикадан сырттан келип түскен пул өткермелери көлеминиң номиналлық өсиў дәрежеси 64,6% ти қурады.
Kun.uz сайтының Мәмлекетлик статискалық комитети хабарына тийкарланып мәлим етиўинше, оның халықтың улыўмалық дәраматлары қурамындағы үлеси өткен жылдың усы дәўирине салыстырғанда 3,0% пунктке өскен.
Атап өтилиўинше, бул дәраматлардың бундай сезилерли өзгериўи халықтың улыўмалық дәраматлары номиналлық қунлылығының 7,3% ке өсиўин тәмийинлеп берген.

Сырт еллерден пул өткермелериниң тийкарғы бөлими Хорезм (23,2%), Самарқанд (19,3%) ҳәм Әндижан (19%) ўәлаятларының үлесине туўра келген.
Қарақалпақстан Республикасы бул көрсеткиш бойынша 14,8% пенен 8-орында көрсетилген.

Ислам Матеков.

Сайтымыздың телеграмдағы каналына ағза болың: https://t.me/karinformuz