Көксуў суў сақлағышында 303 миллион сумлық зыян келтирген 10 браконьер усланды

Экология ҳәм қоршаған орталықты қорғаў тараўындағы қадағалаў бойынша инспекция хызметкерлери 28-январь күни Қарақалпақстандағы Көксуў суў сақлағышында нызамсыз түрде балық аўлаған 10 адамды қолға алды. Бул ҳаққында Мәмлекетлик экологиялық комитетиниң баспасөз хызмети хабар берди, деп жазады Газета.uz.
Қолға алыў ўақтында инспекторлар браконьерлерде 10 килограмм амур ҳәм 130 килограмм ақ амур бар екенлиги анықланды. Ҳайўанат дүньясына жеткерилген зыян муғдары 303,5 миллион сумды қурады.
Анықланған жағдай бойынша ҳүжжетлер прокуратура органларына усынылған.

Ислам Матеков.

Сайтымыздың телеграмдағы каналына ағза болың: https://t.me/karinformuz